د قطر امير د عراق وزيراعظم ته د موصل د آزادۍ په مناسبت مبارکي وويله او عراق څخه ملاتړ يې اعلان کړ

0
7 views

د قطر امیر بیګا د عراق له وزیراعظم حیدر العبادي سره په ټیلیفوني خبرو کښې د دغه هیواد حکومت او ولس ته د داعش ترهګرې ډلې له نیواکه د موصل د آزادۍ مبارکي وویله او له عراقه ملاتړ ته یې د خپل هیواد په چمتووالي ټینګار وکړ.

تمیم بن حمد آل ثاني څرګنده کړه چې دغه بریا د عراقي ځواکونو په هلوځلو او سرشیندنې سره ترلاسه شوې ده.

حیدر العبادي هم په دغو ټیلیفوني خبرو کښې د عراق د شمال نینوا ولایت د مرکز موصل ښار آزادي د عراقي ځواکونو د سرشیندنې او یووالي نتیجه وبلله او څرګنده یې کړه: د ترهګرۍ د ختمولو لپاره باید له اختلافاتو ډډه وشي او سره یوموټي شو.

دواړو لورو همداشان د اقتصاد په شمول په ټولو برخو کښې د قطر او عراق د تعلقاتو د پراختیا په اهمیت تاکيد وکړ.

LEAVE A REPLY

Please enter your comment!
Please enter your name here